Modi, DONT ENTER into Tamilnadu

Let me introduce myself.

I was a hardcore fan of Modi and BJP few years ago.(I don't know why I had supported Modi).

I thought BJP is the alternative for Congress party which is corrupted and anti-Tamil.

But later I came to know that the agenda of BJP and Congress are same.

Yes. Both are against people.

They are just a servant to corporates and foreign companies.

Though BJP comes to power, there won't be much changes in India's internal and external affairs. (BJP head Rajnath said it)

Why I am against BJP? 

BJP is not a political party. It's a political wing of the communal RSS. RSS, VHP, Shiv Sena and many Hindutva forces want to oppress the minority people. They spreads communalism and violence.  

As we well know that president and prime minister candidate of BJP  are chosen by RSS.

It clearly shows that BJP is controlled by a communal organization.

How can they be secular? How can they be democratic?

Tamilnadu is not the place for Casteism and Communalism. We are Tamils living together. We don't want Hindutva forces inside Tamilnadu.

Its well known that Congress is against Tamils in many cases.What about BJP?

They took dual stands in many issues. There is no BJP in Tamilnadu.

They want to form it again by using Modi mantra. It won't work out.

Modi - a pseudo image:

Its well known Medias give cheap publicity to Modi.

And Modi's supporters spread fake news on the social networks.

All the Hindutva forces supports Modi to form Hindu Rashtira.

Many corporates support Modi for their purpose.

BJP wants to utilize the 'Anti-Congress' wave.

Modi  - Indian Rajapakse

Rajapakse killed Tamils.Modi killed Muslims.

Rajapakse encourages Buddhism to oppress Tamils. Modi and BJP encourages Hinduism to oppress all the minorities.

Buddhists demolished temples, Masjids, churches and all the Tamil identities.

Hindutva forces try to demolish all the minority identities (Tamils, Sikhs, Kashmiris, etc)

Modi plans to take part in BJP meeting to be held in Trichy, Tamilnadu on Sep 26, 2013.

I see many comments  around social networks  against Modi's visit to TN.

Some political groups and social activists are ready to show Black flag to Modi. 

Yesterday(Sep 22, 2013) Makkal Kalai Izhakkiya Kazhagam organized a meeting against Modi.

More than 3000 people took part in that meeting. A huge response from people.

Hats off to all the comrades who  organized that meeting

Some photos from the meeting are below:

Duing Modi's Karnataka Campaign, many protesters shouted slogans saying “Modi go back” and “Karnataka is not Gujarat”.

Now Tamils should say the same.

“Modi go back” and “Tamilnadu is not Gujarat”.

courtesy: http://www.vinavu.com , http://www.facebook.com/TamilsBoycottModi

Congress and BJP are the two sides of same coin.

Boycott both Congress and BJP

வியக்க வைக்கிறார் தோழர் அப்துல் காதர்

நேற்று மாலை தோழர் அப்துல் காதர் தொலைபேசியில் அழைத்திருந்தார்.
மெட்ராஸ் கபே படத்தை எதிர்த்து ஹைதராபாத் திரையரங்குகளில் பரப்புரை செய்ய வேண்டும். வாருங்கள் என்று அழைத்தார். "நான் வேறு மாநிலத்தில் இருக்கும் காரணத்தால் வர முடியாத சூழ்நிலை. பிற நண்பர்களை அழைப்போம்" என்று கூறினேன்.

பின்னர் இரவு அவருக்கு அழைப்பு விடுத்தேன். "தோழர், எத்தனை பேர் வருகிறார்கள்?" என்று கேட்டேன். "யாரும் வருவதாக தெரியவில்லை. நான் என் மனைவி குழைந்தைகளுடன் சென்று பரப்புரை செய்யப்போகிறேன்" என்று கூறினார்.

சொன்னது போலவே இன்று தன் குழந்தைகளை அழைத்து சென்று மெட்ராஸ் கபே படத்தை எதிர்த்து பரப்புரை மேற்கொண்டார். நூற்றுக்கணக்கான மக்களிடம் இலங்கை-இந்தியாவின் கூட்டு அயோக்கியத்தனத்தை எடுத்து கூறியுள்ளார். தோழருக்கு வாழ்த்துகள்.

 

மதவாதிகளாய் ஒன்று சேரக் கூடாது. ஜனநாயகவாதிகளாய் ஒன்று சேர வேண்டும் என வலியுறுத்துபவர் தோழர் அப்துல் காதர்.
தன் குழந்தைகளையும் அதே வழியில் நடத்துபவர். 

முகநூலில்தான் தோழர் எனக்கு பழக்கம். கடந்த ரம்ஜானுக்கு  அவரது வீட்டிற்கு சென்றிருந்தேன். மறக்க முடியாத அனுபவம்.

இவரை மாதிரி ஆட்களை வாழ்த்த மட்டுமே முடிகிறது. இவரைப் போல போராட்டங்களில் ஈடுபட முடியவில்லை.
"தீவிரவாதியாகப் போறியா?
உனக்கு ஏன் இந்த தேவையில்லாத வேலை?
சாஃப்ட்வேர் இஞ்சினீர் சாஃப்டா இருக்கனும்' என்று அறிவுரை சொல்பவர்கள் தான் அதிகம் இருக்கிறார்கள்.
"புலிகளை ஆதரிக்காதே! உனக்கு பொண்ணு கொடுக்க மாட்டாங்க'ன்னு வரைக்கும் எனக்கு அறிவுரை கொடுத்துவிட்டார்கள்.

தெரிந்தோ தெரியாமலோ நம்மை ஒருவித சுயநலம் ஆட்கொண்டு விட்டது.
தோழர் அப்துல் காதர் போல இருக்க நானும் முயற்சிக்கிறேன்.....

[ வழக்கம் போல இன்றும் 'தமிழன் பிரச்சினைக்கு ஏனப்பா இங்கு ஆந்திராவில் வந்து போராட்டம் செய்கிறீர்கள்?' என்று சொல்லி இல்லாத ஒருமைப்பாட்டை நினைப்படுத்திய ஆந்திரா காவல்துறைக்கு வாழ்த்துகள்!! ]

 

நபிகள் நாயகத்தை கொச்சைப்படுத்திய திரைப்படம், இஸ்லாமியர்களை தீவிரவாதிகளாக சித்தரித்த துப்பாக்கி, விஸ்வரூபம் போன்ற படங்களை எதிர்த்து பல ஆர்ப்பாட்டங்கள் செய்த  இஸ்லாமிய நண்பர்கள்  இப்போது அமைதி காக்கின்றனர்.
ஒரு இனத்தின் வரலாற்றையே திரித்து வெளியிட்ட படத்தை எதிர்க்க வேண்டாமா??
குறைந்தபட்சம்  இணையத்தில்   பதிவுகள் கூட போடாமல் இருப்பது சற்று வேதனை தருகிறது.
 

தலைதூக்கும் மதவாதம், சமூகத்தை பிளவுபடுத்தி மனித வேட்டையாட துடிக்கும் மிருகங்கள்

கடந்த இரு நாட்களாக பேஸ்புக் உள்ளிட்ட சமூக  வலைதளங்களில்   எங்கு பார்க்கினும் மதக் கலவரமாக காட்சியளிக்கிறது.
பல பதிவுகள், பின்னூட்டங்களைப் படிக்கும்போது 'இவர்கள் சுய சிந்தனையுடன்தான் பதிவுகள் போடுகிறார்களா?' என்று வினா எழுகிறது.

பாரதிய ஜனதா கட்சியை சார்ந்த பிரமுகர் ஒருவர் கொலை செய்யப்பட்டுள்ளார்.
இந்த உலகில் எவர் இறப்பினும் அது துன்பச் சம்பவம். அவரின் மறைவுக்கு ஆழ்ந்த இரங்கல்கள்.

ஆனால் அந்தக் கொலையை துருப்புசீட்டாக  பயன்படுத்தி சாதிய, மதவாத அரசியல் செய்வது இழிவான செயல்.

ஒரு கொலை நடந்தால் அதற்கு சொந்தப்பகை, தொழில் பகை, அரசியல் விரோதம் என பல காரணங்கள் இருக்கலாம்.
அதைவிடுத்து அந்த சாதிக்காரன் கொன்னுட்டான், அந்த மதக்காரன் கொன்னுட்டான்னு பேசி குழப்பம் உண்டாக்க கூடாது.
கொலை நடந்தால் காவல்துறை விசாரணை செய்யட்டும். குற்றவாளிகளை  தண்டிக்கட்டும்.

தமிழகத்தில் ஒரு வருடத்தில் ஒன்பது இந்து தலைவர்கள் கொலை செய்யப்பட்டுள்ளார்கள். இந்துக்களுக்கு பாதுகாப்பு இல்லை என ஒப்பாரி சத்தம் கேட்கிறது. அமைதி போதிக்க வேண்டிய தலைவர்கள் 'ஆயுதம் எடுங்கள்' என்கிறார்கள். (இந்த பதிவு எழுதுற நேரத்துல ஒரு கும்பல் கோவையில் மசூதி மீது குண்டு வீசியது)

எங்கள் குடும்பம் இந்துக் குடும்பம், பக்கத்தில் பலரும் இந்துக்களே! அனைத்து மதத்தினரும் பக்கத்தில் இருக்கிறார்கள்.
நீங்கள் வசிக்கும் இடத்திலும் அப்படிதான் இருக்கும்!
அங்கெல்லாம் என்ன பாதுகாப்பே இல்லையா?
உண்மை என்னவேன்றால் எல்லோரும் தான் உண்டு, தன் வேலையுண்டு இருக்கிறார்கள்.

மதவாதம் விதைக்கும் விஷமிகள், ஒட்டு பொறுக்கும் கும்பல்கள் ஆங்காங்கே இருந்துகொண்டு தங்கள் பணியை சிறப்பாக செய்கிறார்கள்.
வைக்கோல்போரில் நெருப்பு பொறியை போட்டுவிட்டு கமுக்கமாக சென்றுவிடுவார்கள்.
தீ பரவாமல் அணைக்க வேண்டுமே தவிர, ஊதி பெரிதாக்கி  ஊரை எரிக்க கூடாது.

மதவாதம் எந்த ரூபத்தில்  தலைதூக்கினாலும் எதிர்த்து அடக்க வேண்டும்.

#மனிதனாய் இருங்கல

ஹிந்து தேசியவாதி மோடி - இப்பவாவது நம்புங்க

“நான் ஒரு ஹிந்து தேசியவாதி... அப்படி என்னைப் பற்றிக் கூறுவதிலும் எந்தத் தவறும் இல்லை”  என்று அழுத்தம் திருத்தமாக் சொல்லியுள்ளார் மீடியா புகழ் மோடி..

மோடி மதச்சார்பற்றவர் என அவரது தொண்டர் அடிப்பொடிகள் அடிக்கடி சொல்லிக் கொண்டே இருந்தார்கள். ‘டேய் , அப்படியெல்லாம் கிடையாது. மோடி ஹிந்து மதத்தை தூக்கி பிடிப்பவர்’ என்று பலமுறை விவாதம் செய்திருக்கிறேன். ஒருபயலும் ஒத்துக்கொள்ள வில்லை.

இப்போது மோடியே சொல்லிவிட்டார். இப்போது என்ன செய்யப் போகிறார்கள் அவரது அடிப்பொடிகள்? வேறு என்ன!! இன்னொரு கதை எழுதி அடுத்த சினிமாவை அரங்கேற்றுவார்கள்.

மோடி இவ்வாறு சொன்னது சரியா? தவறா? என்ற கேள்விக்கே இடம் கிடையாது. ஒருவன் தன்னை ஹிந்து என்று சொல்லிக் கொள்வதற்கும், ஹிந்து தேசியவாதி என்று சொல்லிக் கொள்வதற்கும் ஏகப்பட்ட வித்தியாசங்கள் உள்ளன. ஒரு தேசத்தையே மதத்தின் பெயரால் அடையாளப்படுத்துகிறது ‘ஹிந்து தேசியவாதி’ என்னும் வார்த்தை.

இதை மோடி சொல்லியிருப்பதில் எந்த ஆச்சரியமும் இல்லை. அதுதானே அவர் சார்ந்திருக்கும் ஆர்எஸ்எஸ் அமைப்பின் கொள்கை. இந்தியாவை இந்து நாடாக அறிவிக்கும் கொள்கை.
விஷுவ இந்து பரிஷத், சிவ சேனா, சூ சாமி, இந்து முன்னணி என பல அமைப்புகளும் இதே கொள்கை உடையவை. அனைவரும் ஒரே கூட்டணியில் நிற்கிறார்கள்.

தான் சொல்வது தவறு என்று மோடிக்கு தெரிந்திருக்கும். ஆனாலும் மதவெறியூட்டி விட வேண்டுமல்லவா!! மதவாதத்தை விதைத்து ஓட்டு அறுவடை செய்ய வேண்டுமல்லவா!!

தான் இஸ்லாமிய தேசியவாதி என்றோ, கிருஸ்தவ தேசியவாதி என்றோ யாராச்சும் சொல்லியிருந்தால் [எந்த காலத்திலும் அப்படி யாரும் சொல்லக் கூடாது] இந்த நேரத்திற்கு எதிர்ப்புகள் பலமாக கிளம்பியிருக்கும். சொன்னது மோடியாச்சே!! அவர் சொன்ன கருத்தை தான் வெளியிடுகின்றன தவிர அவரைக் கண்டித்து ஒரு செய்தியையும் காணோம்.

பிஜேபி ஆட்சிக்கு வரப்போவதும் இல்லை. மோடி  பிரதமர் ஆகப் போவதும் இல்லை. ஒருவேளை வந்துவிட்டால் என்ன நடக்கும் என்பதை நினைத்துப் பார்க்க அச்சமாக இருக்கிறது.

பரிவார் அமைப்புகளும், சேனா அமைப்புகளும் தமிழகத்தில் ஒருபோதும் தலையெடுக்க கூடாது.

காங்கிரசை எதிர்க்கிறோம் என்னும் பெயரில் பலரும் பிஜேபியின்  பிற்போக்கு கொள்கைகளுக்கு ஆதரவு அளித்துக்கொண்டிருப்பது வருத்தம்!!

சாதி வெறி, மத வெறி வேண்டாம்!

எவர் மீது ஆதிக்கம் செலுத்த வேண்டாம்!
மனிதநேயம் வளர்த்து மனிதர்களாய் இருப்போம்!

அப்துல்கலாம் சீடர் சொல்லிக்கொடுத்த அரைகுறை அரசியல்

ஆந்திரா மாநிலத்தை சார்ந்த சிபிஐ அதிகாரி ஒருவர் அலுவலகத்திற்கு உரையாற்ற வந்திருந்தார். பொறியியல் படித்து பின்னர் ஆசிரியராக பணியாற்றி இப்போது சிபிஐ துறையில் பணி புரிகிறார். சத்யம் நிறுவன ஊழல், ஜகன்மோகன் ஊழல் வழக்குகளில் முக்கிய பணியாற்றியவர்.
அவர் உரையாற்றி முடித்ததும் பலரும் ‘ஆஹோ ஓஹோ’ என்று புகழ்ந்தார்கள். ஆனால் அது என்னிடத்தில் எந்த ஒரு தாக்கத்தையும் ஏற்படுத்தவில்லை.

முதலில் அவர் கூறிய நல்ல செய்திகளை பார்ப்போம். மது ஒழிப்பு, இயற்கை பாதுகாப்பு, ஆரோக்கிய உணவு முறை, தாய் மொழிப்பற்று, லஞ்ச ஒழிப்பு, புத்தகங்கள் வாசிக்கும் முறை, குழந்தைகளை எப்படி வளர்ப்பது என்பதை அருமையாக விளக்கினார். அதற்காக ஒரு சபாஷ் போடலாம்.

அடுத்து அவர் எடுத்துரைத்த முரண்பட்ட கருத்துக்களைக் காண்போம்.

1. சிபிஐ அமைப்பு என்பது எந்த காலத்திலும் யாருடைய அழுத்தத்திற்கும் கட்டுப்பட்டு நடந்தது கிடையாது என பொய்மூட்டையை அவிழ்த்து விட்டார். //கூடங்குளம் அணு உலை மிகுந்த பாதுகாப்பானது என்று அய்யா கலாம் சொன்ன பொய்யை மிஞ்சி விட்டார். காங்கிரசுடன் கூட்டணி முறிந்த அடுத்த நாளே ஸ்டாலின் வீட்டிற்கு சிபிஐ ஏன் வந்தது என்றும், ஜகன்மோகன் இன்று சிறையில் இருக்க யார் காரணம் என்பதையும் மறந்து விட்டார் போல!!

2. நாட்டின் மோசமான நிலைக்கு ஊழல் மட்டுமே காரணம் என்று கூறினார். //ஊழல் மட்டும்தான் காரணமா? இப்படி கூறி யாரைக் காப்பாற்ற நினைக்கிறார்கள் என்று தெரியவில்லை. தண்ணீர், மின்சாரம், பெட்ரோல், போக்குவரத்து என பல துறைகளையும் தனியாரிடம் கொடுத்து நாட்டை சீரழித்தது ஒரு காரணம் என்பது அவருக்கு தெரியாமல் போனதா?? அதை ஏன் இளம்தலைமுறையினரிடம் எடுத்துக் கூற மறுக்கிறார்?

3. அரசு, காவல்துறையுடன் மக்களும் இணைந்து செயல்பட வேண்டும் என்று கூறினார் // நல்ல கருத்து. ஆனால் இங்கே என்ன நடக்கிறது என்னும் உண்மையை ஏன் அவர் சொல்ல மறுக்கிறார்? மக்களே இணைந்து போராட்டம் நடத்த முடியவில்லை. இந்நிலையில் மக்கள் எப்படி காவல்துறையுடன் இணைந்து செயல்படுவது? இந்திய அரசியலமைப்பு விதி 19-படி பொது இடத்தில் ஆயுதம் இல்லாமல் கூடுவதற்கு உரிமை உண்டு. அந்த உரிமை இப்போது அனைவருக்கும் இருக்குதா?? கட்சி மாநாடு வேண்டுமானால் போடலாம். மக்கள் போராட முடியுமா?? டெல்லியில் அடி, தெலங்கானாவில் அடி, கூடங்குளத்தில் அடி, சட்டீஸ்கரில் அடி என மக்கள் மீது அரசு நடத்தும் பயங்கரவாதத்தை அவர் ஏன் எடுத்துக் கூற மறுக்கிறார்?

4. ஏழைகளுக்கு, ஆதரவற்றோர்களுக்கு உதவி செய்துகொண்டே இருங்கள் என்றார். //நல்ல விசயம்தான். ஆனால் இப்படி சொல்வதன் மூலம் ஏழ்மை இருந்துகொண்டே இருக்க வேண்டும் என்பதை மறைமுக சொல்கிறார். மக்கள் ஏன் வறுமை நிலைக்கு தள்ளப்படுகிறார்கள்? அதனை எப்படி தடுப்பது என்று சொல்லித் தராமல் வெறுமென ‘உதவி செய்யுங்கள்’ என்று சொல்வதை ஏற்றுக் கொள்ள முடியவில்லை.

5. கேதர்நாத் இயற்கை சீற்றத்திற்கு காரணம் நாம் இயற்கையை அழித்துதான் என்று சொல்லி முடித்துக் கொண்டார். //அந்த ‘நாம்’ யாரைக் குறிக்கும்? காட்டை அழித்து சொகுசு விடுதிகள் நிறுவி கல்லா கட்டியவர்களையா? பாக்சைட் எடுக்கிறோம், இரும்பு எடுக்கிறோம் என்ற பெயரில் இயற்கையை அழிக்கும் பன்னாட்டு கம்பெனிகளையா?

6. சாதி, மதப் பிரிவினைகள் கூடாது என்று சொன்னார். //நல்லக் கருத்து. ஆனால் குறிப்பிட்ட மத புத்தகங்களைப் படியுங்கள் என்று தன் உரையின் நடுவே மதப் பிரச்சாரமும் செய்தார். அனைத்து மதத்தினரும் பணிபுரியும் கம்பெனியில் குறிப்பிட்ட மதம் சார்ந்த பாடலைப் பாடிய பின்னர்தான் நிகழ்ச்சியே ஆரம்பித்தது. சாதி, மதத்தின் பெயரால் நடக்கும் ஏதாவது ஒரு ஒடுக்குமுறையையாவது உதாரணம் சொல்லியிருக்க வேண்டும். அதை சொல்லவில்லை. தெலங்கானா மக்கள் எவ்வாறு ஒடுக்கப்பட்டார்கள் என்பதையாவது சொல்லியிருக்கலாம்.

7. அசைவம் சாப்பிடுவதை பாவச்செயல் போல சித்தரித்தார். இந்த கருத்தை பலரும் மறைமுகமாக பரப்பி வருகிறார்கள். ஒரு சிறுகதையின் நடுவே அவர் இந்த கருத்தை சொன்னதால் பலரும் கவனித்திருக்க வாய்ப்பில்லை.

நுனிப்புல் மேய்வது போல அரசியல் சொல்லிக் கொடுத்துக் கொண்டிருந்தார். ஆக மொத்தத்தில் ஒரு முதலாளித்துவ அரசின் பிரதிநிதியாகப் பேசினார். அப்துல்கலாம் அவர்கள் உருவாக்கிய ‘2020 வல்லரசு இந்தியா’ என்னும் இலக்கை அடைவோம் என்று பேசி முடித்தார். கரவோசையில் அரங்கம் அதிர்ந்தது.

‘அணு உலைக்கு கலாம் சர்டிபிகேட் கொடுத்துட்டார். ஏன்டா போராடுறீங்க?’ என்று சொல்பவர்களும், ‘அனைத்திற்கும் மக்கள்தான் காரணம்’ என ரசிகர் மன்ற அரசியல் பேசுபவர்களும், ‘ஈழம் என்பது அடுத்தவன் பிரச்சினை.இங்கே ஏன்டா போராடுறீங்க? நம்ம நாட்டு பிரச்சினையை பார்ப்போம்’ என்று மனித்தன்மையற்று பேசுபவர்களும் எவ்வாறு உருவாக்கப்படுகிறார்கள்? யாரால் உருவாக்கப்படுகிறார்கள் என்பதை புரிந்து கொண்டேன்.

நரேந்திர மோடி: மீடியாவால் உருவாக்கப்பட்ட மாய பிம்பமா?

பாஜக கட்சியில் தேர்தல் பிரச்சாரக் குழுத்  தலைவராக நரேந்திர மோடியை அந்த கட்சி தேர்வு செய்துள்ளது. 

இதனை பலர் பட்டாசு போட்டு  கொண்டாடுகிறார்கள். ஆளாளுக்கு   வாழ்த்து தெரிவிக்கிறார்கள்.
இந்திய ஊடகங்கள் ஒப்பாரி வைக்கின்றன.
சமூக வலைத்தளங்களில் பலர் கூவுகிறார்கள்.

இப்ப என்ன நடந்து விட்டது? என்னவோ மோடி நாட்டின் பிரதமர் ஆனா ரேஞ்சுக்கு பில்டப்  கொடுக்குறாங்க.
'பிரதமர் பதவிக்கு மோடி தகுதியானவரா? இல்லையா?' என்பதை தேர்தலில் மக்கள் தீர்மானிப்பார்கள் (அதற்கு முன்னர் ஆர்.எஸ்.எஸ் அமைப்பு தீர்மானிக்க வேண்டும்). அதனை பற்றி இப்போது விரிவாக பேச  தேவையில்லை.

மோடி என்னும் பெயர் எப்படி பலரை சென்றடைந்துள்ளது? என்பதை பார்ப்போம்.
நான் பல மாநில நண்பர்களிடம் பேசும் வாய்ப்பு பெற்றவன். அனைவரிடமும் அரசியல் பேசி அவர்களுடைய விருப்பத்தை கேட்டு அறியும் பழக்கம் உள்ளவன்.

மோடியை ஆதரிப்பவர்கள் கூறும் கருத்துகள் அனைத்தும் ஒரே மாதிரியாக இருக்கும்.

* குஜராத் நல்ல வளர்ச்சி அடைந்துள்ளது

* காங்கிரஸ் சரியில்லை. பிஜேபி வரட்டும்.

பெரும்பாலும் இந்த இரு பதில்கள் மட்டும் வரும்.
இந்த இரு கருத்துக்களில் இரண்டாம் கருத்து எந்த ஆச்சர்யத்தையும் ஏற்படுத்தவில்லை.
திமுக, அதிமுக என்று மாறி மாறி நாம் ஏமாறுவது போலத்தான்.

முதலாவது கருத்தை நாம் யோசிக்க வேண்டும்.

• குஜராத்ல இருக்குற ஒரு பயலுக்கும் தமிழர் பிரச்சினைகள் ஏதும் தெரியல.  ஆனால் இங்க இருக்குற பலர்  'குஜராத் வளருது, மோடி அப்படி, இப்படி'-ன்னு சொல்லுறாங்க. 

          குஜராத்-ல  நடக்கிறது எப்படி தமிழனுக்கு தெரிஞ்சிது? தமிழ்நாட்டுல நடக்குறது ஏன் குஜராத்திக்கு தெரியல?

•  பல மாநிலங்களிலும் பல நிகழ்வுகள் நடக்கின்றன. அவை எவையும் வேறு எந்த  மாநில மக்களிடமும் சென்று அடைவதில்லையே!! ஏன்?

ரொம்ப சிம்பிள்.
தமிழ்நாட்டில் முதல்வர் ஜெயலலிதா குடிநீர் திட்டம் ஒன்றை ஆரம்பித்து வைக்கிறார். ஆந்திராவில் முதல்வர் கிரண்குமார் ஏதாவது   திட்டம் ஒன்றை ஆரம்பித்து வைக்கிறார். இவர்கள் செயல்படுத்தும் திட்டங்கள் மாநில தொலைக்காட்சிகளில், செய்திதாள்களில்  மட்டும் காட்டப்படும். அதை யாரும் பெரிதாக கண்டுகொள்வதில்லை.
ஆனால் குஜராத்தில் மோடி ஏதேனும் ஒரு அறிக்கைகொடுத்தால் கூட அதனை அனைத்து இந்திய ஊடகங்களும் திரும்ப திரும்ப ஒளிபரப்புகின்றன. செய்திதாள்களில் பக்கம் பக்கமாக எழுதுகிறார்கள்.

பலர் கருத்துப்படி மோடி வல்லவர், நல்லவர் என வைத்துக் கொள்வோம்.
அப்படியானால்

• பா.ஜ.க வில் திறமையான தலைவர்கள் வேறு யாரும் இல்லையா??
• இந்தியா முழுக்க வேறு தலைவர்கள் யாரும் இல்லையா?
• மிகத் திறமையானவர், குஜராத் வளர்ச்சியடைந்துள்ளது என்றால் அவர் ஏன் தேர்தலில் கோடி கோடியாக செலவு செய்து முட்டி மோதினார்?

மோடி என்னென்ன செய்தார்? அவரது கொள்கைகள்/சாதனைகள்  என்ன?  மற்ற முதல்வர்களிடமிருந்து எவ்வகையில் வேறுபடுகிறார் என எதையும் சொல்லாமல் வெறும் மோடி புராணத்தை மட்டுமே பலர் பாடுகிறார்கள்.
மோடி என்னும் பிம்பம் மீடியாக்களால் உருவாக்கப்பட்டது என்பது கண்கூடாக  தெரிகிறது.

நேற்று மோடி தேர்தல் பிரச்சாரக் குழுத்  தலைவராக அறிவிக்கப்பட்ட பின்னர் பலர் தங்கள் கருத்துக்களை இணையங்களில் பதிவு செய்திருந்தார்கள்.  பலர் கருத்துக்களில் மதவாதம் தலைவிரித்து ஆடியது.
அதில் ஒரு கருத்தை பாருங்கள்

கட்சியின் கொள்கைகள்/சாதனைகள் எவற்றையும் முன் வைக்காமல் ஒரு தனி மனிதரை முன்னிறுத்தி அரசியல் செய்வதால் பா.ஜ.க விற்கு பின்னடைவே!! அன்ன ஹாசாரே ஏன் வீழ்ந்தார் என்பதை பா.ஜ.க சிந்திக்க வேண்டும்,

தமிழக மாணவர்கள் பார்வைக்கு.

ஈழத்துக்காக இனி நாம் செய்ய வேண்டியது என்ன?

அன்பார்ந்த மாணவத் தோழர்களே! வணக்கம்.

தமிழகத்தில் வரலாற்றுச் சிறப்புமிக்க ஒரு போராட்டத்தை நடத்தி வருகின்றீர்கள். போராட்டத்தின் முதற்கட்டம் முடிந்து அடுத்த கட்டம் குறித்து சிந்தித்துக் கலந்தாய்வு செய்து வரும் உங்கள் பார்வைக்குச் சில முன்மொழிவுகளை அன்புரிமையோடு படைக்கிறோம்.

ஜெனிவாவில் ஐ.நா. மனித உரிமை மன்றத்தில் சென்ற 2012 மார்ச்சில் அமெரிக்கா ஒரு தீர்மானம் கொண்டுவந்த போதே, இது தமிழர்களுக்கு எதிரான தீர்மானம், இனக்கொலைக் குற்றவாளிகளான சிங்கள இராசபட்சே கும்பல் தப்ப்பித்துக் கொள்ள வழி ஏற்படுத்திக் கொடுக்கும் தீர்மானம் என்று எமது இயக்கத்தின் சார்பில் எச்சரித்தோம். எங்கள் எச்சரிக்கையைப் பொருட்படுத்தாமல், தமிழகத்தின் அரசியல் கட்சிகளும், சிலபல ஈழ ஆதரவு அமைப்புகளும் கூட அமெரிக்கத் தீர்மானத்தை ஆதரிக்க வேண்டும் என்று சேர்ந்திசை பாடின.

இந்த முறை மாணவர்களாகிய நீங்கள் சில அரசியல் தலைவர்களின் பசப்பு வார்த்தைகளுக்கு மயங்காமல், உள்ளது உள்ளபடி அமெரிக்கத் தீர்மானத்தின் உள்ளடக்கத்தையும் உண்மை நோக்கத்தையும் சரியாக எடுத்துக் காட்டிப் போராடியதால் தமிழினம் விழித்துக் கொண்டது.

இனக்கொலையை இனக்கொலை என்றுதான் சொல்ல வேண்டும். அதை மறைக்க மனித உரிமை மீறல் போன்ற சொற்களை யார் பயன்படுத்தினாலும் ஏற்க மாட்டோம், ஏமாற மாட்டோம். டப்ளின் தீர்ப்பாயம், ஐநா மூவல்லுநர் குழு அறிக்கை, இலண்டன் சேனல் - 4 வெளியிட்ட ஆவணப் படங்கள்... இவற்றை எல்லாம் மூடிமறைத்து விட்டு இராசபட்சேவின் செல்லப்பிள்ளையான படிப்பினைகள் மற்றும் நல்லிணக்க ஆணையத்தின் (LLRC) அறிக்கையை வலியுறுத்துவதும், ஆதரவு எதிர்ப்பு என்று சிணுங்குவதும் உலகின் கண்ணில் மண்ணைத் தூவும் வேலை என்பதை உரக்கச் சொல்வோம்.

உலகத் தமிழர்களின் கோரிக்கைகளும் நம் கோரிக்கைகளும் ஒன்றே:

1. இராசபட்சேவின் சிங்கள அரசு ஈழத் தமிழ் மக்களுக்கு இழைத்த இனக் கொலை குறித்து தற்சார்புள்ள பன்னாட்டுப் புலனாய்வு (Independent International Investigation) தேவை.
2. ஈழ மக்கள் மீது தொடர்ந்து இழைக்கப்பட்டு வரும் இனக்கொலையைத் தடுத்து நிறுத்தப் பன்னாட்டுப் பாதுகாப்புப் பொறியமைவு (International Protective Mechanism) தேவை.
3. தமிழீழத்தின் இறைமையை (sovereignty) மீட்டெடுக்கும் வகையில் தாயகத்திலும் புலம்பெயர் நாடுகளிலும் வாழ்ந்து வரும் ஈழத் தமிழ் மக்களிடையே பொது வாக்கெடுப்பு தேவை.

இந்தக் கோரிக்கைகளுக்கான போராட்டத்தை ஐநா மனித உரிமை மன்றத்தை மையப்படுத்தி நடத்தினோம். இனி என்ன செய்வது? மனித உரிமை மன்றம் அடுத்த முறை கூடட்டும் என்று நாம் காத்திருக்க முடியாது. இராசபட்சே கும்பலை மென்மேலும் தனிமைப்படுத்துவதன் மூலம் தமிழீழ மக்கள் போராடுவதற்கான வெளியை உருவாக்கி விரிவாக்குவதுதான் நம் போராட்டத்தின் நோக்கமும் விளைவும் என்பதை மறந்து விடக் கூடாது. உலக அரங்கில் என்றாலும் உள்நாட்டில் என்றாலும் இந்த விளைவை நோக்கியே நம் போராட்டங்கள் அமைய வேண்டும்.

இனக்கொலைக் குற்றம் புரிந்த சிங்கள அரசை அனைத்து நாடுகளும் அனைத்து மக்களும் புறக்கணிக்கும் படி செய்வோம். பொருளியல், அரசியல், பண்பாடு, கலைத்துறை, விளையாட்டு, சுற்றுலா... என்று எந்தத் துறையையும் விட்டு வைக்காமல் சிங்களத்தைப் புறக்கணிக்கும் இயக்கத்தை வீரியத்துடன் முன்னெடுத்துச் செல்வோம்.

• காமன்வெல்த் மாநாடு கொழும்பில் நடத்தக் கூடாது. நடந்தால் இந்தியா கலந்து கொள்ளக் கூடாது.
• இந்தியாவில், குறிப்பாகத் தமிழகத்தில் ஐ.பி.எல். கிரிக்கெட் போட்டிகளில் சிங்களர் எவரும் விளையாடக் கூடாது.
• தமிழகத் திரைத் துறையினர் படப்பிடிப்பு நடத்தக் கூடாது.
• கலைஞர்கள், எழுத்தாளர்கள் இலங்கையில் நடைபெறும் எந்த நிகழ்விலும் கலந்து கொள்ளக் கூடாது.
• இலங்கைக்கு எதிராகப் பொருளாதாரத் தடை விதிக்க வேண்டும் என்று தமிழக சட்டப் பேரவை இயற்றிய தீர்மானத்திற்கு தமிழக அரசும் இந்திய அரசும் செயல் வடிவம் கொடுக்க வேண்டும்.
• தமிழகத்திலிருந்து இலங்கைக்குக் கடலடிக் கம்பி வழியாக மின்சாரம் அனுப்பும் இந்திய-இலங்கை மின் ஒத்துழைப்பு ஒப்பந்தத்தை நீக்கம் செய்ய வேண்டும்.
• இலங்கையில் நடந்தது தமிழினப் படுகொலையே என்று தமிழக சட்டப் பேரவையில் போலவே இந்திய நாடாளுமன்றத்திலும் தீர்மானம் இயற்ற வேண்டும்.

இந்தக் கோரிக்கைகளுக்கு ஆதரவாக அனைத்து மாணவர்களையும், அனைத்துப் பொதுமக்களையும், அனைத்து இயக்கங்களையும், அனைத்து ஆதரவாளர்களையும் திரட்டுவதற்குப் பொருத்தமான போராட்ட வடிவங்களை நீங்களே முடிவு செய்யுங்கள்.

அதேபோது நம் கோரிக்கைகள் அனைத்திற்கும் மையமாக இருக்க வேண்டிய முழக்கம்:

இலங்கையைப் புறக்கணிப்போம்!

BOYCOTT SRILANKA!

உலகெங்கும் ஒலிக்கும் இந்த முழக்கம் தமிழகத்திலும் ஓங்கி ஒலிக்கட்டும். இது இனக் கொலைகாரர்களின் இந்தியக் கூட்டாளிகளை அம்பலப்படுத்தும். இன்னமும் குழம்பிக் கிடக்கும் தமிழர்களின் தடுமாற்றத்தைப் போக்கவும் துணை செய்யும்.

இலங்கையைப் புறக்கணிப்போம்!

BOYCOTT SRILANKA!

வெல்க மாணவர் போராட்டம்!

தமிழ்த் தேசிய விடுதலை இயக்கம்

பொதுச் செயலாளர்: தோழர் தியாகு

தொடர்புக்கு: o44-23610603, 98651 07107, 9715417170